နနွင်း

	Botanical Name : Curcuma longa Linn Myanmar Name : နနွင်း English Name : Turmeric Family : ZINGIBERACEAE
	Distribution : မြန်မာနိုင်ငံ အနှံ့အပြားတွင် ပေါက်ရောက်သည်။ Appearance : ရွက်ယောင် ပင်စည်ဖြစ်ပြီး ၄-၅ ပေခန့် မြင့်သည်။ ဘဲဥပုံဖြစ် ဥများရှိသည်။ မြစ်ဥ အတွင်း တောက်ပသော အရောင် ရှိသည်။ နနွင်း အမျိုးအစား (၇) မျိုးရှိသည့် အနက် ဆေးဖော်စပ်ရာ၌ နနွင်းရိုရိုး ကိုသာလျှင် ဆေးဖက်အဖြစ် အသုံးပြု၏။ ရွက်ညှာသည် ရွက်ပြားနှင့် အလျားညီ၏။ ရွက်ညှာရင်းမှ ရွက်ပြားထိပ်ထိ မြှောင်းပါသည်။ ရွက်ပြား ရှည်မျှောမျှောပုံ ဖြစ်ပြီး အဖျားချွန်ကာ အရင်းသွယ်သည်။ ရွက်နား ညီသည်။ ရွက်ကြောများ အလွန် ထင်ရှားသည်။ အပွင့်မှာ အ၀ါနုရောင် ရှိသည်။ အပွင့်သည် ဆိပ်ဖူးပွင့်နှင့် တူသည်။ ၀ါဆို၊ ၀ါခေါင် လများတွင် ပွင့်သည်။ Useful Part : ဥ၊ ဥတက်။ Usage : နနွင်းသည် ရောဂါ အမျိုးမျိုးကို ပယ်စေ၍ အသက် ရှည်စေသော ဆေးအဖြစ် ထင်ရှားသည်။ နနွင်းကို ငန်းဆေး၊ ဒူလာ၊ ၀မ်းရပ်ဆေး၊ လိမ်းဆေး၊ မှိုင်းဆေး စသည်ဖြင့် ဖော်စပ်ရာတွင် အသုံးပြုသည်။ ကိုယ်ဝန်ဆောင်စဉ်အတွင်း ဖျားနာခြင်း၊ သားဖွားပြီး သွေးတက်ခြင်း၊ သွေးပုပ်ကျန်ခြင်း၊ သွေးမသန့်ခြင်း၊ မီးဖွားပြီးနောက် ချိနဲ့ခြင်း၊ အသားအေးခြင်း၊ သားမြတ်ကိုက်ခြင်း၊ ရောင်ခြင်း၊ မီးယပ် သွေးဖောဖြစ်ခြင်း၊ ယားယံခြင်းတို့ကို နနွင်းမှုန့်ကို ရေနှင့် ပြုတ်၍ ရေချိုးပေးခြင်း၊ ကြပ်ထုပ်ပေးခြင်းဖြင့် ပျောက်ကင်းစေနိုင်သည်။ နနွင်းမှုန့်နှင့် လက်တုပ်ခေါက် မှုန့်တို့ကို ရေနှင့်ကျိုပြီး ပျားရည်နှင့် သင့်ရုံစပ်၍ သောက်ပါက သွေးအန်သွေးလျှံ သွေးဝမ်းရောဂါများ ပျောက်၏။ သွားဖုံးနာခြင်း၊ သွားနာခြင်း၊ ကိုက်ခဲခြင်းကို နနွင်းမှုန့်နှင့် ရေနွေးဖျော်၍ ငုံပေးခြင်း၊ ဆားထည့်၍ သောက်ခြင်း၊ သွားရင်းတွင် သိပ်ပေးခြင်းဖြင့် ပျောက်၏။ နနွင်းသည် ချောင်းဆိုး၊ ပန်းနာ ရင်ကျပ်၊ ၀မ်းလျှော ရောဂါတို့ကို သက်သာ ပျောက်ကင်း စေနိုင်သည်။ နနွင်းကို ဆားအနည်းငယ် ခတ်၍ တစ်နေ့ သုံးကြိမ် သောက်ပါက လေထိုးလေအောင့် ပျောက်၏။ အကြိတ်နာ၊ ထိခိုက်ရှနာ၊ အတွင်းကြေ ဒဏ်ရာတို့၌ နနွင်းနှင့် ထုံးကို ရောစပ် လိမ်းပေးခြင်း၊ ဒဏ်ရာမှ သွေးထွက်လွန်ခြင်းကို နနွင်းမှုန့် သိပ်ပေးခြင်းဖြင့် သက်သာ ပျောက်ကင်း စေနိုင်ပါသည်။ နနွင်းကို သကြားနီခဲနှင့် ရောစပ်၍ ဆန်ဆေးရေနှင့် သောက်ပါက ဆီးအိမ်တွင် ကျောက်တည်ခြင်းကို သက်သာ ပျောက်ကင်း စေနိုင်သည်။ နနွင်းမှုန့်၊ ဆီးဖြူသီးရည်၊ ပျားရည် သုံးမျိုး ရောသောက်ပါက ဆီးပူ၊ ဆီးအောင့်၊ ဆီးရောဂါများ သက်သာ ပျောက်ကင်း စေနိုင်သည်။ နနွင်းဥကို ပါးပါးလှီးပြီး နေရိပ်တွင် လှန်း၍ ပျားရည်နှင့် တစ်ကြိမ်လျှင် သုံးပြား တစ်နေ့ တစ်ကြိမ် သောက်ပါက အစာအိမ်ရောဂါ သက်သာ ပျောက်ကင်းနိုင်သည်။