ဇော်ဂျီတောင်ဝှေး

	Botanical Name : Cordylinc terminalis Kunth Myanmar Name : ဇော်ဂျီတောင်ဝှေး English Name : Dragons Blood; Boundary mark Family : LILIACEAE
	Distribution : မြန်မာ နိုင်ငံ အနှံ့ အပြားတွင် ပေါက်ရောက်သည်။ သဘာဝ အလျောက် ပေါက်ရောက်သည်။ ဘုရား ညောင်ရေအိုးပန်း ထိုးရန် အတွက် လည်းကောင်း ၊ အလှအပ အဖြစ်လည်းကောင်း ခြံဝင်းများတွင်လည်း စိုက်ပျိုး၏ ။ Appearance : ပင်ပျော့ ပင်ငယ်မျိုး ဖြစ်သည်။ အမြင့် ၁၀ ပေခန့် ထိမြင့်သည်။ အကိုင်း အခက် ဖြာခြင်း မရှိ။ ပင်လုံး ထီးတည်း ဖြစ်၏ ။ ပင်စည်လုံး ပေါ်တွင် အရွက်ရော အမာရွတ် ကလေးများ ရှိသည်။ ပင်စည်လုံးသည် တောင်ဝှေးနှင့် သဏ္ဍာန် တူ၏။ပင်စည်လုံးအား ပတ်၍ ထွက်၏ ။ ရှည်မျောမျော လှံစွပ် ပုံသဏ္ဍာန် ရှိ၍ ရွက်ထိပ်ချွန်ပြီး ရွက်ရင်းသို့ သွယ်သွား၏။ အလျား တစ်တောင်ခန့် ရှိ၏ ။ ရွက်ညှာ ၄ လက်မခန့် ရှည်ပြီး မြောင်းကဲ့သို့ ဖြစ်နေသည်။ ရွက်ညှာရင်းသည် ပင်စည်ကို ကုပ်ပတ်ထား၏ ။ ရွက်ညှာ နှင့်တကွ အရွက် အထက်အောက် မျက်နှာပြင် ၂ ဖက်လုံး နုစဉ် အနီရင့်ရောင် ရှိ၍ ရင့်လျှင် နီညိုရောင်နှင့် စိမ်းမှိုင်းမှိုင်းရောင်ရောစပ်နေ၏ ။ ရွက်နားအနီရောင်ရှိ၏ ။ ရွက်ပြားချောမွေ့၍ အနည်းငယ်မာ၏ ။ ရွက်နားချော၍ လှိုင်းအနည်းငယ်ရှိသည်။ ရွက်လယ်ကြောထင်ရှား၍ သန်မာသည်။ အပင်ထိပ်မှ ပွင့်တံထွက်၍ ပွင့်၏ ။ အပွင့်သေးငယ်၍ နီညိုရောင်ရှိ၏။ ရေသောက်မြစ် ရှည်လျား၍ ယင်းဘေးမှ မြစ်မြွှာလေးများ ဖြာထွက်သည်။ Useful Part : အရွက် ၊ အမြစ် ၊ ပဉ္စငါးပါး။ Usage : မြန်မာ ဆေးကျမ်းများ အလိုအရ ဇော်ဂျီ တောင်ဝှေး သည် အရသာဖန်၏။ အေး၏ ။ သွေးအန် သွေးကျ ၊ သွေးလျှံ၊ သွေးသွန်နာကိုနိုင်၍ သည်းခြေ ဒေါသအပူကို လွန်စွာ ငြိမ်းစေနိုင်၏ ။ အရွက်ကို ရေနှင့် ကျိုသောက်က သွေးအန်သွေးကျ သွေးလွန်ရောဂါ ပျောက်၏ ။ သကြားနှင့် ကျိုသောက်သော် ၀မ်းကောင်းစေ မှန်စေ၏ ။ ထန်းလျက်နှင့် ကျိုသောက်သော် အူရောင်ရောဂါ ၊ အသည်းရောင်ရောဂါတို့ ပျောက်၏ ။ရွက်နုများကို ပါးပါးလှီး၍ သုပ်စား တို့စားလျှင် ၀မ်းကိုက် ရောဂါ ပျောက်၏ ။ ၀မ်းကို လည်း ကောင်းစေ၏ ။ ဇော်ဂျီတောင်ဝှေးရွက်ကို လူနို့နှင့် ပြုတ်သောက်ပါက အဆုတ် ရောင်ခြင်း ၊ အသည်း ရောင်ခြင်း နှင့် ကျောက်ကပ်တွင် ဖြစ်သော ရောဂါများ ပျောက်၏ ။ အမြစ်ကို သွေး၍ ရှူလျှင် ထိပ်ကပ်နာနှင့် နှာခေါင်း သွေးလျှံ ၊ သွေးကျခြင်းများ ပျောက်၏ ။လျှာ၌ အနာ ၊ အဖုအပိမ့်များ ပေါက်လျှင် ဇော်ဂျီ တောင်ဝှေး မြစ်ကိုသွေး၍ ဆားအနည်းငယ် ထည့်ပြီး လျှာနာ ကို နှိုက်ပေးရ၏။ အမြစ်ကို ပြုတ်သောက်က ၀မ်းကောင်းစေ၏ ။ အမြစ်ကို သွေးလိမ်းသော် ၀ဲစို ၊ ၀ဲခြောက်နာ ၊ ပေါက်ခြံကွဲနာနှင့် အခြား အနာအဆာ များပျောက်၏။ အမျိုးသမီးများ မီးယပ်မပေါ်သော် ဇော်ဂျီတောင်ဝှေး ပဉ္စငါးပါးကို သကြားနှင့် ကျိုသောက်က မီးယပ်ပေါ်စေ၏ ။ ဇော်ဂျီတောင်ဝှေး ပဉ္စငါးပါးပြုတ်ရည်ကို သကြား ။ ကန်စွန်းရွက်ပြုတ်ရည်နှင့် ဖျော်စပ်၍ နေ့စဉ်သောက်သော် အဆုတ်နာ ပျောက်၏။ဇော်ဂျီတောင်ဝှေး ပဉ္စငါးပါး ကြိတ်ညှစ်ရည် ၊ ချင်း ၊ ထန်းလျက်ရည်တို့ ဆတူစပ်၍ နေ့စဉ်သောက်သော် အမျိူးသမီးများ သွေးသားမှန်ကန်၍ လှစေ ၀စေ၏ ။ အမောလည်း ခံနိုင်၏ ။ အမျိုးသမီးကြီးများ သွေးဆုံးရောဂါကို လည်း ပျောက်စေ၏ ။