ကြက်ဟင်းခါး

	Botanical Name : Momordica charantia Linn Myanmar Name : ကြက်ဟင်းခါး English Name : Bitter Gourd Family : CUCURBITACEAE
	Distribution : မြန်မာ နိုင်ငံ နေရာ အနှံ့အပြား၌ စိုက်ပျိုးသည်။ သဘာဝ အလျောက် ပေါက်ရောက်သော ကြက်ဟင်းခါးငယ် မျိုးလည်း ရှိသည်။ စိုက်ပျိုးပင် ဖြစ်သည်။ Appearance : တစ်နှစ်ခံ ချုံယောင် နွယ်ပင် မျိုးဖြစ်သည်။ အကိုင်းအခက် များသည်။ ပင်စည်ရိုးတံ စိမ်းဖျော့ရောင် ရှိပြီး လေးထောင့် ဖြစ်သည်။ ပင်စည်တွင် အမွေးနုများဖြင့် ဖုံးလွှမ်းနေ၍ နွယ်နှာမောင်းများ ရှိသည်။ ရွက်လွှဲ ထွက်သည်။ အ၀ိုက် ၅-၇ ခုရှိ၍ အလွန် ဟိုက်ပြီး လက်ဝါးရွက်ပေါင်း ကဲ့သို့ ဖြစ်နေသည်။ ရွက်နား ပတ်လည် အတွန့်များ ရှိ၏ ။ ရွက်ရင်းမှစ၍ ရွက်ကြော ဖြာသည်။ အောက်မျက်နှာပြင်၌ အမွေးနု ကလေးများ ရှိသည်။ ရွက်ညှာ ရှည်သည်။အ၀ါရောင်ရှိပြီး တစ်လက်မခန့် ရှည်သည်။ ပွင့်ဖတ် ၅ ခုရှိသည်။ အဖိုပွင့် အမပွင့် ရှိ၍ ပွင့်ညှာတံ ပိုရှည်သည်။ အမပွင့် တွင် မျိုးအိမ် ထင်ရှား၏ ။ အပင်ဖြစ်ပြီး ၂ လ ၊ ၃လ ကြာလျှင် ပွင့်၏ ။အသီးသည် နုသော အခါ စိမ်း၍ ရင့်လာသော အခါ လိမ္မော်ရောင် ဖြစ်လာသည်။ အသီး အရင်း အဖျားသွယ်၍ မျက်နှာပြင် မညီမညွတ် အဖုကလေးများ ရှိသည်။ အမြှောင်း ငါးခု ပါသည်။ အစေ့ များသည်။ Useful Part : အရွက် ၊ အသီး ။ Usage : မြန်မာ ဆေးကျမ်း များ အလိုအရ ခါး၏ ၊ စပ်ရှားရှားရှိ၏ ။ အေး၏ ၊ ကြေကျက် လွယ်၏ ၊ ၀မ်းကို သက်စေ၏ ၊ ပိုးကို နိုင်၏ ၊ ဆာလောင်ခြင်းကို ဖြစ်စေတတ်၏ ၊ သည်းခြေ သလိပ်ကို နိုင်၏ ။ မျက်စိရောဂါ ၊ ယောနိ၌ ဖြစ်သော ရောဂါများ ၊ သွေးအား နည်းခြင်း ၊ ဆီးနှင့် စပ်သော ရောဂါများကို ပျောက်စေသည်။ ကြက်ဟင်းခါးရွက်ကို ဆား၊ ထန်းလျက် ထည့်၍ ၃ ခွက် တစ်ခွက်တင် ကျိုသောက်က တုန်ဖျား ၊ ချမ်းဖျား ပျောက်၏ ။ အရွက်ကြိတ် ညှစ်ရည်ကို သောက်လျှင် အူတွင်းရှိ ရောဂါပိုးများကို သေကြေ ပျက်စီး၏ ။ကြက်ဟင်းခါး ရွက်ရည်ကို ဖန်ခါးသီးနှင့် သွေးသောက်သော် အသည်းရောင်၍ အသားဝါသော ရောဂါ ပျောက်ကင်း၏။ မူးမော်ခြင်းလည်း ပျောက်ရန် လည်းကောင်း ၊ ညှော်ခံဆေး အဖြစ် လည်းကောင်း ၊ ကြက်ဟင်းခါးရွက်ကို ချေ၍ ရှူပေး ရ၏။ အဖျားကို နိုင်သော သတ္တိရှိသဖြင့် အရွက်ကို ကြိတ်၍ ရသော အရည်ကို တိုက်ပေးခြင်းဖြင့် သွေးလွန် တုပ်ကွေး ရောဂါ ပျောက်၏။ ခွေးရူးကိုက်သော နေရာများတွင်အရွက်ကိုကြိတ်၍ အုံပေးခြင်း၊ အရည်ညှစ် ထည့်ပေးခြင်း ၊ သောက်ပေးခြင်းဖြင့် ပျောက်ကင်း၏။ ကြက်ဟင်းခါးသီး အခြောက်ကို ကျောက်ပျဉ်တွင် သွေးလူးသော် လည်ချောင်း ရောင်သော ရောဂါ ပျောက်ကင်း၏ ။ကြက်ဟင်းခါးသီးရည်ကို ဆီနှင့် ရောသောက်က ကာလ၀မ်းရောဂါ ပျောက်ကင်း ၏ ။ ၎င်းအရည်တွင် ပျားရည် အနည်းငယ် ရောသောက်လျှင် ရေဖျဉ်းရောဂါ ပျောက်ကင်း၏။အသီးနုအရည်ကို မီးပေါ်၌ နွေး၍ လိမ်းပေးလျှင် အဆစ်ရောင်ရောဂါ ပျောက်၏ ။